Motivational shayari.....

Zindagi mein bahot log aate hai jaate hai
Kuch dil pe ek acchi chhaap chod jaate hai
Kuch hamesha ke liye nazro se gir jaate hai

Kuch sada ke liye dil mein bus jaate hai
Kuch sukhe patte ki tarah hawa mein ud jaate hai

Hamari zindagi ek moti ki tarah kimti hoti hai
Khuda ki tasveer ki tarah yeh chamakti rehti hai
Isse kisi ke liye bhi zayaa na karna
Jab bhi zarurat pade ek acche dost ko yaad rakhna

Maa tujhe salaam.....

Dedicated to all the mothers in the world.....

humein nau mahine coke mein rakh kar, kitni pareshani tu uthati hai
humein paida kar, pal pose kar, kitni pareshani tu uthati hai
humein daat kar, maar kar padati aur tu likhati hai
humein apne haathon se khana khila kar, kitna pyaar tu jatati hai

maa tera darja har bhagwaan aur har insaani rishte se hai bada
maa tera pyaar paane ke liye, har baccha raah mein hai khada
maa tere liye agar swarg bhi dharti pe laa du tau kam hoga
maa teri jaisee murat tau bhagwaan dekh kar bhi dung hoga

maa iss shabd kaa matlab sirf pyar, laad aur apna punn hota hai
maa iss shabd mein hi saare sansaar ka meetha russ hota hai

subah subah jab teri pooja ke swar kaano mein gun gunate hai
mann mein kitni shaanti, yeh bharr kar chale jaate hai
bus tera aashirwaad aur haath rakhna humare sir par
bus tere saaye mein hi paar ho jaaye zindagi ka bhavya saagar

maa aaj hum sab milkar tujhe karte hai salaaam
maa aaj hum sab milkar lete hai tera naam
apne bacche tujko hai pyaare, ravan ho ya raam
maa bus tu hi ek hai SPECIAL, aur hum saare insaan aam

MAA........

Surme daani....

Surme daani se jab bhi, kajal tum lagati ho
Khuda ki kayanaat ki, khubsoorti ka ehsaas dilaati ho
Tumari aankhon mein yeh kajal, kuch is tarah chamakta hai
Chanda ki chandni aur suraj ki roshni sa damakta hai

Aankhen tumahari surma lagne ke baad, shayarana lagti hai
Pee jaaon saari sharab mein, yeh pyaar ka mehkhana lagti hai
Aankhon mein hume bhi kajal ki tarah basa lo
Hume bhi apna deewana, apna parwana bana lo

Uss surme ka naseeb hum se bahot badkar hota hai
Kam se kaam hamesha aapke kareeb tau rehta hai
Hume bhi apne aas paas ek aise jagah bitha do
Deedar umar bhar karte rahe aapka, aise koi sazaa do

Saath mera aur tumahra, kal fir se ho na ho
Isliye aaj hi mujhe bharosa do, ki tum bus meri ho
Surme ki tarah tumahare zindagi mein khubsurti bhar duga
Meri tum hui, tau maut se pehle apne aankon dur na hone duga

Surme Daani...

Poem dedicated to world peace...

Kis liye lad rahe hai yeh desh yeh log yeh apne... 

Kya maksad hai inka, kya dekhe hai inohe koi sapne... 

Sapno mein jab kabhi nazar aata hai, dehshat ko woh nazara... 

Dil darr se seham jaata hai, lahu behta hai mera aur tumara... 

Bhagwaan ek insaan ko banane mein, kitna waqt hai bitate... 

Ussi insaan ko kuch log, pal bhar mein haiwaan hai banate... 

Kaunsi Geeta, kaunsi Quran, nafrat karti hai bayaaan.. 

Kyun yeh log bus ek ungli se, bhoon dete hai pura gulistaan... 

Jal jal ke rakh bante jaa rahi hai, swarg si meri prithvi... 

Phoolo ki khusbhu se mehakti thi, ek waqt meri zameen... 

Woh shaanti woh aman woh insaan, mujhe lauta do.... 

Woh bhai woh behan woh jahaan, mujhe lauta do.... 

Bhook lagne par rote hai, hum dono ke hi bacchee... 

Kyun roti ki jagah uske haath mein, bandook tum ho rakhte... 

Agar hum yunhi, aa pus mein ladte rahege... 

Tau ek din bus jaanwar hi, dharti par raaj karenge... 

Chod do yeh gunaah ka raasta... 

Tumhe bhi apne khuda ka hai waasta... 

Chod do yeh pagalpan yeh makkari yeh junoon... 

Isme sirf aur sirf bahega tumara aur mera khoon... 

Ek baar mauka de mujhe, tujhe seene se laga luga... 

Teri dharti koi bhi apni maa jaisa darja duga... 

Jhoom uthegi hamare aagaan mein khushi... 

Khuda bhi sochega fir, ki insaan banakar nahin ki koi galti....

Holi ke woh din....

" Holi ke din yaad mujhe aata hai woh bachpan "
" Yaaron ki toli mein shamil hokar karte the uddham"
" Paani ke gubaaron se doston ko khubh bheegaya "
" Aaj holi ke din, yaad fir woh bachpan hai aaya "

" Laal hare neele peele rango se holi manate the "
" Doston ko zabar dasti keechad mein nehalate the "
" Bhang se bani mithai chupke se hum khate the "
" Bhang ke nashe mein khoob ho halla machate the "

" Khelte khelte hum jab thak jaate the "
" Maa ke haath ka bana swadist bhojan khate the "
" Aaj apne desh apni mitti se koson dooor bhethe hai "
" Holi ka rang desh mein kaisa hoga yehi sochte rehte hai "

" Iss buri niyat ne mitti se alag kar diya "
" Jeene ke liye kya chahiye bus 2 waqt ki rotiyaan "
" Mann karta hai ud kar apne desh ko chala jaooon "
" Uski unnati ke liye, mein bhi thoda sa haath bataaoon"

" Woh holi ke din........"

- Vinay Solanki